Dr. Alexander Lowen எனும் உளவியல் நிபுணர் மற்றும் மனநல மருத்துவராக விளங்கிய என்பவரால் உருவாக்கப்பட்டவையே  Bio energetics எனப்படும் உயிராற்றல் பயிற்சிகள் ஆகும் .

மனநல மருந்துகள் மூலமாகவே மனநல பிரச்சனைகளை குணமாக்க முடியும் , கட்டுப்படுத்த முடியும் என மருத்துவ உலகம் கூறி வந்த சமயத்தில் – ஒரு வித்தியாசமான , புரட்சிகரமான ( revolutionary perspective ) கோட்பாட்டை முன்வைத்தார்.

மனதின் மூலமாக்கமனதை சரி செய்ய முடியாது . மருந்துகள் மூலம் மனதை சரி செய்ய முடியாது .

எந்த ஒரு மன நலம் சார்ந்த பிரச்சனையும் – மனித உடலில் , தசைகளில் , உருவ அமைப்பில் , நம்முடைய நடை உடை பாவனைகளில் தங்களின் சுவடுகளை ( muscular rigidity and tensions ) விட்டுச் செல்கின்றன .

உடலின் மூலமாக மனதை அணுகி – அதாவது பிரத்யேகமான பல உடல் அசைவுகளை , உடற்பயிற்சிகளை ( bio energetic excercises ) செய்வதன் மூலம் – மனப்பிரச்னைகளை அதன் அடிப்படை உணர்ச்சிகளை ( releasing the suppressed emotions ) வெளிக்கொணர்ந்து , ஆற்றல் வடிவில் அவற்றை வெளியேற்றி குணமாக்குவதே இப்பயிற்சிகள் சிறப்பம்சம் ஆகும் .

ஒரு மனிதன் பிறந்ததலிருந்து அவனுக்கு ஏற்படும் மனக்காயங்கள் , விரக்தி , இயலாமை , ஏமாற்றங்கள் , வெளிப்படுத்தா கோபங்கள் , தனிமை உணர்வு போன்றவை உடலில் பதிந்துள்ளன . இவை எல்லாம் உணர்ச்சிகள். மனதை மனம் மூலமாகவே அணுகாமல் , கண்ணுக்கு தெரிந்த உடல் மூலம் அணுகுவதே சரியான அணுகுமுறை ஆகும் .

உயிராற்றல் பயிற்சிகள் மூலம் மனநோய்களை குணமாக்குவது சற்று காலம் பிடிக்கும். இருந்தாலும் , எந்த மருந்துகளும் இல்லாமல் , குழப்பமான செய்முறைகள் இல்லாமல் – குணமாக்கும் ஒரு உத்தரவாதமான வழிமுறை ஆகும்.